- 2019-02-14 02:50:00
- ព័ត៌មាន
ក្រោយតែលតោលច្រើនឆ្នាំ! អតីត Cambodian Idol នាង ប្រាក់សុគន្ធ មានទ្រនំមួយច្បាស់លាស់
- 2019-02-14 02:50:00
- ចំនួនមតិ 0 | ចំនួនចែករំលែក 0
ក្រោយតែលតោលច្រើនឆ្នាំ! អតីត Cambodian Idol នាង ប្រាក់សុគន្ធ មានទ្រនំមួយច្បាស់លាស់
ចន្លោះមិនឃើញ
លោក នាង ប្រាក់សុគន្ធ បានក្លាយជាតារាចម្រៀងមានទ្រនំច្បាស់លាស់ ក្រោយពីការប្រលងនៅកម្មវិធីលំដាប់ពិភពលោក Cambodia Idol រដូវកាលទី២រួចមក។ ផលិតកម្មដែលខ្លួនជ្រកកោន នោះគឺ "មរតកមេឌៀរ" ដែលប្រជុំដោយតារាជាច្រើន រួមទាំងខ្មែរ សុរិន្ទថែមទៀតផង។
ដោយសារតែមានរយៈពេលយូរគួរសមដែរ ក្នុងការធ្វើជាតារាចម្រៀងឯករាជ្យ តារាមកពីខេត្តបាត់ដំបងរូបនេះ បង្ហាញអារម្មណ៍រំភើប និងសប្បាយចិត្តខ្លាំង។ នៅក្នុងផលិតកម្មនេះ លោកក៏មានបទចម្រៀងច្រើនបទដូចជា "ដានជើង" "សម្រែកមនុស្សស្មោះ" រួមទាំងបទច្រើនទៀត កំពុងត្រៀមចេញក្នុងឱកាសបុណ្យចូលឆ្នាំផងដែរ។
សម្រាប់កុងត្រានៅផលិតកម្មនេះមានរយៈ ពេលយូរប៉ុណ្ណា បងប្រុស កញ្ញា នាង គន្ធា សុំមិនបកស្រាយនោះទេ តែលោកសង្កត់ធ្ងន់ថា ទ្រនំនេះបានផ្ដល់លក្ខខណ្ឌល្អ ច្រើនដល់លោក ព្រមទាំងឱកាសបង្ហាញខ្លួនជូនពុកម៉ែបងប្អូនតាមបណ្ដាឆាកតន្ត្រី និងការចេញទៅច្រៀងនៅក្រៅស្រុក ក៏ច្រើនផងដែរ នាពេលអនាគត។
កន្លងមកពុក ម៉ែបងប្អូនយល់ច្រឡំថា លោកមានផលិតកម្មសាន់ដេ សម្រាប់ជ្រកកោនរួចហើយ ក្រោយឃើញប្អូនស្រីរបស់ខ្លួន គឺ នាង គន្ធា ច្រៀងនៅទីនោះ ។ ម្យ៉ាងទៀត គេឃើញបទចម្រៀង "បេះដូងចេះស្រវឹង" ដែលច្រៀងដោយ នាង គន្ធា ក៏មានរូបលោក ច្រៀងផងដែរ។ តែតាមពិត តារាអាយុ២៣ឆ្នាំ រូបនេះ មិនមែនជាតារាចម្រៀងនៅសាន់ដេនោះទេ លោកគ្រាន់ច្រៀងបទនោះ មានប្រុសស្រី ជាមួយប្អូនរបស់ខ្លួនប៉ុណ្ណោះ។
ការបោះជំហានក្នុងផលិតកម្មនេះ លោក នាង ប្រាក់សុគន្ធ សង្ឃឹមថាអាចកសាងប្រជាប្រិយភាពកាន់តែខ្លាំង ក្នុងពិភពសិល្បៈ៕