- 2017-07-31 02:13:28
- ភាពយន្ត
យ៉ារ៉ូ ក្លាយជាជើងកាងប្រចាំថ្នាក់ ក្នុងរឿងថ្មី
- 2017-07-31 02:13:28
- ចំនួនមតិ 0 | ចំនួនចែករំលែក 0
យ៉ារ៉ូ ក្លាយជាជើងកាងប្រចាំថ្នាក់ ក្នុងរឿងថ្មី
ចន្លោះមិនឃើញ
រឿង"មន្តស្នេហ៍ប្រធានថ្នាក់តូច"គ្រោងនឹងចេញថតវគ្គ២ឆាប់ៗខាងមុខនេះហើយ តារាសម្ដែង វី យ៉ារ៉ូដែលធ្លាប់សម្ដែងតួមនុស្សមោកៗខិតខំរៀនសូត្រ បានប្ដូរទៅជាអត្តចរិតឈ្លើយជើងកាងប្រចាំថ្នាក់វិញ។ នេះបើតាមការបង្ហើបប្រាប់ពីសាមីខ្លួន។
យ៉ារ៉ូ ឲ្យដឹងថា ភាពយន្តខាងលើគ្រោងថតនៅក្នុងអំឡុងនៅខែសីហា ឆ្នាំ ២០១៧ខាងមុខនេះ ដោយក្នុងនោះ តួសម្ដែងទាំងអស់ដែលធ្លាប់សម្ដែងកាលវគ្គ១ ត្រូវអ្នកដឹកនាំសម្ដែងយកមកសម្ដែងវិញទាំងអស់ ដោយនៅក្នុងនោះតួសំខាន់នៅរឿង អ្នកដឹកនាំបានតម្រូវឲ្យប្ដូរ អត្តចរិត ទាំងអស់។
ចំពោះការប្ដូរទៅជាអត្តចរិតឈ្លើយជើងកាងប្រចាំថ្នាក់នេះមិនមែនជារឿងលំបាកសម្រាប់ យ៉ារូឡើយ លោកបានប្រាប់ថា កន្លងមកខ្លួនធ្លាប់អត្តចរិតបែបនេះម្ដងមកហើយផងដែរ ប៉ុន្តែមិនសូវជាឈ្លើយចំ។
តារាសម្ដែងនិងជាពិធីកររូបនេះបានបន្តឲ្យដឹងជាចុងក្រោយថា តាមផែនការភាពយន្តខាងលើគ្រោងថតតែ១សម្ដហ៍ប៉ុណ្ណោះនិងត្រូវបញ្ចប់តែម្ដង ហើយក្រោយកាត់តរួចរាល់ និង ចាក់ផ្សាយលើបណ្ដាញសង្គម ដូចកាលវគ្គ១ដែរ។
ចាប់តាំងពីបោះជំហានចូលសិល្បៈក្នុងអំឡុងឆ្នាំ២០១១មក វី យ៉ារ៉ូ បានសម្ដែងភាពយន្តបាន៦ រឿងមកហើយ រឿងចុងក្រោយ គឺ រឿង"ស្រទន់មន្តស្នេហ៍"ដែលពុងចាក់បញ្ចាំងលើកញ្ចក់ទូរទស្សន៍CTN។ និងរឿងរឿង" ដាណេ និង កាហ្វេឡាតេ" កំពុងតែដំណើរការថត៕