- 2017-12-12 02:54:41
- ភាពយន្ត
២០១៨ បានទស្សនារឿងភាគថ្មី អម្ពរ ទេវី សម្ដែងនៅលើកញ្ចក់ទូរទស្សន៍ហើយ
- 2017-12-12 02:54:41
- ចំនួនមតិ 0 | ចំនួនចែករំលែក 0
២០១៨ បានទស្សនារឿងភាគថ្មី អម្ពរ ទេវី សម្ដែងនៅលើកញ្ចក់ទូរទស្សន៍ហើយ
ចន្លោះមិនឃើញ
តារាសម្ដែងជើងចាស់អ្នកនាង អម្ពរ ទេវី នឹងបង្ហាញវត្តមានសាជាថ្មីម្ដងទៀតក្នុងខ្សែភាពយន្តភាគថ្មីរឿង " ឆន្ទា" ឲ្យផលិតកម្មក្នុងស្រុកមួយ ។
តាមប្រភពស្និទ្ធស្នាលមួយបានឲ្យដឹង ថា ក្នុងអំឡុងខែកុម្ភៈ ឆ្នាំ ២០១៨ ខាងមុខនេះ អ្នកនាង អម្ពរ ទេវី នឹងធ្វើដំណើរពីអាមេរិក មកកាន់កម្ពុជាសាជាថ្មីម្ដងទៀត ក្នុងគោលបំណងថតរឿងភាគថ្មីឲ្យផលិតកម្មក្នុងស្រុកមួយគឺរឿង "ឆន្ទា" រយៈពេល ២ ខែ ទើបថតចប់អាស្រ័យទៅតាមពេលវេលា និងអាកាសធាតុអំណោយផល។
ប្រភពសុំមិនបញ្ចេញឈ្មោះដដែលបន្តថាក្នុងរឿងភាគថ្មី "ឆន្ទា" អ្នកនាង អម្ពរ ទេវី សម្ដែងជាតួអង្គ "ឆន្ទា" តែម្ដង ទើបតម្រូវឲ្យនាង ស្នាក់នៅកម្ពុជារយៈពេលយូរ ទម្រាំតែថតចប់ ព្រោះមានប្លង់សំខាន់ៗជាច្រើនដែលត្រូវថត។ លោកថា៖" រឿង "ឆន្ទា" ខ្ញុំជឿជាក់ថា អ្នកនាង អម្ពរ ទេវី នឹងទទួលបានការចាប់អារម្មណ៍ខ្លាំងពីពុកម៉ែបងប្អូន ហើយក្រោយពីថតចប់ភ្លាមយើង នឹងដាក់បញ្ចាំងនៅទូរទស្សន៍ក្នុងស្រុក១បន្ទាប់ពីចូលឆ្នាំថ្មីប្រពៃណីខ្មែររួចរាល់"។
ខ្សែភាពយន្តភាគរឿង "ឆន្ទា" មាន ៥០ ភាគ ជាប្រភេទរឿងបែបមនោសញ្ចេតនាស្នេហាកាច់កុង ឈ្នានីស ជម្លោះកើតឡើងនៅក្នុងរង្វង់គ្រួសារមួយ ដោយសារដណ្ដើមទ្រព្យសម្បត្តិគ្នា។ មកដល់ពេលនេះរឿង " ឆន្ទា" ដំណើរការថតបាន ២០ ភាគរយហើយ។ រឿងនេះចូលរួមសម្ដែងដោយ លោក ទេព រិនដារ៉ូ អ្នកនាង អម្ពរ ទេវី និងតារាសម្ដែងស្រីប្រុសជាច្រើនរូបទៀត៕