«Lunar Life» រៀបរាប់ពីជីវិតស្នេហាដ៏ដាច់អាល័យ រវាងព្រះចន្ទ និងព្រះអាទិត្យ ការនឹករលឹក និងការរងចាំ គូរស្នេហ៍ពីរនាក់ ដែលម្នាក់ត្រូវបំភ្លឺពេលយប់ និងពេលថ្ងៃ ហើយគ្មានថ្ងៃក្បែរគ្នា​បាន​។ នេះជាចម្រៀងថ្មីរបស់ តារាចម្រៀងមនោសញ្ចេតនាជ្រាលជ្រៅ ថេណា។

ប្រៀបធៀបនឹងជីវិតរស់នៅរបស់មនុស្សធម្មតារាល់ថ្ងៃ គឺសេចក្តីស្នេហាដ៏ជ្រាលជ្រៅ និងការលះបង់​ស្នេហាផ្ទាល់ខ្លួនដើម្បីតួនាទី និងកាតាព្វកិច្ច។ ស្នេហា​នេះ​ហាក់ដូចទៅហ្នឹង​ជីវិត​ពិត​របស់​គូស្នេហ៍​មួយ​ចំនួន​ដែល​មានតែនិស្ស័យ តែគ្មានវាសនា មានការស្រលាញ់ តែមិនអាចរស់នៅជាមួយគ្នាបាន។

តាម​រយៈ ថេណា ចម្រៀង​មួយ​នេះជាការស្រមើលស្រមៃ ដោយយកចន្ទជាតួដែលមានភាពឯកា តែបញ្ចេញរស្មី ពេល​រាត្រី​ប្រលោម​មនុស្ស​ប្រុស​ស្រី​ផុត​ទុក​សៅហ្មង ដោយគូស្នេហ៍ដ៏សាកសមរបស់ខ្លួន​ជា ព្រះអាទិត្យ តែមិនអាចជួបគ្នាបាន ដោយនេះជាច្បាប់ធម្មជាតិ ដែលកំណត់យប់ថ្ងៃ។

ពួកគេ​ស្រលាញ់​គ្នា​ណាស់ តែ​ធម្មជាតិ​ការងារ​យប់​ថ្ងៃ ធ្វើ​ឱ្យ​ពួក​គេ​នឹក​គ្នា តែ​មិន​អាច​ជួប​គ្នា​បាន​ ព្រោះ​ពួកគេមានតួនាទី និងក្តីស្រមៃខុសគ្នា កាលៈទេសៈខុសគ្នា នេះ​បើ​តាម​ការ​រៀបរាប់​ពី​អត្ថន័យ​បទ​ចម្រៀង​របស់ ថេណា៕

ចង់ដឹងថាបទ «Lunar Life» អត្ថន័យដូចរៀបរាប់ ឬអត់ តោះទស្សនាវីដេអូខាងក្រោម៖

រូបភាពផ្តល់ដោយ៖ ថេណា