- 2018-09-11 14:04:16
- ព័ត៌មាន
គីសាន់ រ៉ៃយ៉ា ចង់ស្រក់ទឹកភ្នែក ពេលឃើញសិល្បករមិនមើលរំលងឪពុកខ្លួនដែលកំពុងលំបាក
- 2018-09-11 14:04:16
- ចំនួនមតិ 0 | ចំនួនចែករំលែក 0
គីសាន់ រ៉ៃយ៉ា ចង់ស្រក់ទឹកភ្នែក ពេលឃើញសិល្បករមិនមើលរំលងឪពុកខ្លួនដែលកំពុងលំបាក
ចន្លោះមិនឃើញ
កូនប្រុសលោក ពៅ គីសាន់ គឺ គីសាន់ រ៉ៃយ៉ា បាននិយាយថា លោករំភើបចង់ស្រក់ទឹកភ្នែក បន្ទាប់ពីថ្ងៃនេះ លោកទទួលបានការឈឺឆ្អាលពីមិត្តសិល្បៈនានា ជួយស្រោចស្រង់ជីវិតឪពុកលោកដែលកំពុងស្ថិតក្នុងស្ថានភាពធ្ងន់ធ្ងរដោយសារគ្រោះថ្នាក់ចរាចរណ៍។
បុគ្គលសិល្បៈ ដែលបានចេញមុខជួយលោក ពៅ គីសាន់ មានអ្នកនាង ស៊ិន ឧត្តមផល្លា កញ្ញា សុខ សីឡាលីន ជាដើមបានបរិច្ចាគតាមសន្ធារៀងខ្លួន។ នៅរសៀលនេះ សមាគមសិល្បៈខ្មែរ ក៏បានចេញមុខជួយ "ខ្ញុំរំភើបណាស់បង ពុកកំពុងតែពិបាក អាចនឹងត្រូវវះកាត់ទៀត ព្រោះកកឈាម២កន្លែងក្នុងក្បាល ដែលត្រូវចំណាយច្រើន ឥឡូវបានបងប្អូនជួយ អ្នកបង ឧត្តមផល្លា កញ្ញា សុខ សីឡាលីន ពិសេសសមាគមសិល្បកររបស់បង ចន ច័ន្ទលក្ខិណា សូមអរគុណមែនទែន!”។
តាមកូនប្រុសរូបនេះ សមាគមសិល្បករខ្មែរ បានអន្តរាគមន៍ជួយឲ្យឪពុករបស់លោកទទួលបានការព្យាបាលនៅមន្ទីរពេទ្យលោកសង្ឃដោយឥតគិតថ្លៃ។ ដូច្នេះហើយ ទើបលោកបញ្ជាក់ថា រំភើបខ្លាំង និងមានសង្ឃឹម ព្រោះក្រុមគ្រួសាររបស់លោកកំពុងតែប្រឈមខ្លាំងមែនទែនលើការចំណាយព្យាបាលអ្នកមានគុណ។
លោក ពៅ គីសាន់ បានជួបគ្រោះថ្នាក់ចរាចរណ៍កាលពីយប់ថ្ងៃទី ៧ សីហា ពេលធ្វើដំណើរត្រឡប់ទៅផ្ទះវិញដោយម៉ូតូ ស្ថិតក្នុងភូមិសាស្ត្រសង្កាត់ក្រាំងធ្នង់។ របួសរបស់លោក ស្ថិតក្នុងសភាពធ្ងន់ធ្ងរ ដោយរងរបួសជាច្រើនកន្លែង ក្នុងនោះបាក់ឆ្អឹងជំនីអស់ ៥ ដងកាំបិត១ បាក់នាងដៃខាងឆ្វេង១ និងកកឈាមក្នុងខួរក្បាល២កន្លែង និងរបួសដាច់រលាត់ជាច្រើនកន្លែងទៀត។
តាមព័ត៌មានចុងក្រោយ លោក រ៉ៃយ៉ា បញ្ជាក់ថា អាការកកឈាមក្នុងខួរក្បាលរបស់ឪពុកលោក ពេទ្យបញ្ជាក់ថា មិនត្រូវការវះកាត់ទេ ពោលគឺអាចរំលាយដោយប្រើប្រាស់ថ្នាំលេបបាន៕
