- 2019-11-25 04:42:55
- ភាពយន្ត
“Frozen 2” កើបលុយបានច្រើនសន្ធឹក ក្រោយចាក់បញ្ចាំងបាន ៣ ថ្ងៃ
- 2019-11-25 04:42:55
- ចំនួនមតិ 0 | ចំនួនចែករំលែក 0
“Frozen 2” កើបលុយបានច្រើនសន្ធឹក ក្រោយចាក់បញ្ចាំងបាន ៣ ថ្ងៃ
ចន្លោះមិនឃើញ
មានភាពយន្ត Disney ចំនួន ៥ មកហើយដែលអាចរកចំណូលបានជាង ១ ពាន់លានដុល្លារនៅក្នុងឆ្នាំនេះ។ ក្រោយបញ្ចប់ចុងសប្ដាហ៍មុនរួចមក "Frozen 2” ទំនងជានឹងក្លាយជាភាពយន្តទី ៦ របស់ផលិតកម្មនេះ ដែលរកចំណូលបានជាង ១ ពាន់លានដុល្លារ។
”Frozen 2” ដែលជាខ្សែភាពយន្តតភាគពី "Frozen” ចេញផ្សាយឆ្នាំ ២០១៣ អាចរកចំណូលបានប្រមាណ ១២៧ លានដុល្លារ ពីទីផ្សារអាមេរិកខាងជើង ក្នុងរយៈពេលចាក់បញ្ចាំង ៣ ថ្ងៃដំបូងនៅចុងសប្ដាហ៍។ ចំណូលនេះគឺលើសចំណូលនៃខ្សែភាពយន្តដើម ដែលរកបានជាង ៩៣ លានដុល្លារ នៅអំឡុង ៥ ថ្ងៃដំបូង ពេលចាក់បញ្ចាំងនៅឆ្នាំ ២០១៣ ហើយវាលើសពីការព្យាករណ៍របស់អ្នកជំនាញដែលថាវាអាចរកចំណូលបាន ១០០ លានដុល្លារនៅអំឡុង ៣ ថ្ងៃដំបូង។
បើបូកសរុបលើទីផ្សារពិភពលោកទាំងមូល "Frozen 2” អាចរកចំណូលបានសរុប ៣៥០ លានដុល្លារ នៅអំឡុងចុងសប្ដាហ៍ដំបូង។
ភាពយន្តដែលរកចំណូលបានលើសពី ១ ពាន់លានដុល្លាររបស់ Disney នៅឆ្នាំ ២០១៩ នេះមាន "Avenger: Endgame” “The Lion King” “Captain Marvel” “Toy Story 4” និង "Aladdin”។ គិតត្រឹមខែកក្កដា ឆ្នាំ ២០១៩ បានក្លាយជាឆ្នាំដែល Disney អាចរកចំណូលច្រើនជាងគេបំផុត៕
ចុចអាន ៖ បណ្ដុំរូបភាពប្លង់ក្នុងរឿង Marvel មុននិងក្រោយប្រើបច្ចេកទេសកុំព្យូទ័រ