- 2020-07-02 06:25:34
- ជីវិតតារា
អតីតតារាសម្ដែង ជុំ ស៊ីថា គិតម៉េចក្រោយភរិយាមានកូនភ្លោះបីនាក់?
- 2020-07-02 06:25:34
- ចំនួនមតិ 0 | ចំនួនចែករំលែក 0
អតីតតារាសម្ដែង ជុំ ស៊ីថា គិតម៉េចក្រោយភរិយាមានកូនភ្លោះបីនាក់?
ចន្លោះមិនឃើញ
អតីតតារាសម្ដែង និងបង្ហាញម៉ូតល្បីឈ្មោះម្នាក់ គឺលោក ជុំ ស៊ីថា បានប្រកាសប្រាប់អតីតមិត្តរួមអាជីពក្នុងសិល្បៈ និងក្រុមការងាររបស់លោកថា លោកនឹងឲ្យភរិយាបិទឡ ឬឈប់យកកូនត្រឹម៥នាក់នេះហើយ។
លោក ជុំ ស៊ីថា បានបញ្ជាក់ដូច្នេះនៅក្នុងសារឆ្លើយឆ្លងទាក់ទងនឹងការបង្ហោះព័ត៌មានដ៏គួរឲ្យភ្ញាក់ផ្អើលមួយនៅលើបណ្ដាញសង្គមហ្វេសប៊ុកកាលពីម្សិលមិញ ដែលប្រពន្ធលោកអេកូឃើញកូនភ្លោះក្នុងផ្ទៃដល់ទៅ៣នាក់។
ការណ៍នេះបានធ្វើឲ្យលោកមានការត្រេកអរយ៉ាងខ្លាំង ហើយក៏ព្រួយបារម្ភខ្លាំងណាស់ដែរ ចំពោះសុខភាពភរិយា ដោយសារតែភរិយារបស់លោកមានមាឌតូចបន្តិច ហើយលោកស្រមៃថាមិនដឹងភរិយាលំបាកយ៉ាងណាទេ។
លោក ជុំ ស៊ីថា៖"រឿងមិននឹកស្មានដល់ ព្រឹកមិញ អេកូឃើញកូនភ្លោះ៣ សប្បាយចិត្ដខ្លាំងណាស់ តែអាណិតប្រពន្ធ គាត់មាឌតូចបន្តិចមិនដឹងពិបាកយ៉ាងណាទេ។ សង្ឃឹមថាប្រុសទាំងបីចុះ"។
បើតាមការបញ្ជាក់ពីអតីតតារាសម្ដែងរូបសង្ហានេះ កូនក្នុងផ្ទៃទាំងបីមានអាយុ១០អាទិត្យ និង៤ថ្ងៃហើយ បើគិតមកដល់ថ្ងៃទី២ ខែមិថុនា ឆ្នាំ២០២០ នេះ។
លោក ជុំ ស៊ីថា បានដើរចេញពីសិល្បៈជាយូរមកហើយ ហើយបច្ចុប្បន្នលោកមានតួនាទីជាមន្ដ្រីនគរបាល នៃក្រសួងមហាផ្ទៃម្នាក់។ បច្ចុប្បន្នលោកមានកូនប្រុស-ស្រីដ៏គួរឲ្យស្រឡាញ់២នាក់ ស្រាប់ហើយ៕
