- 2020-07-17 07:35:21
- ភាពយន្ត
តួអង្គឯករពិសដៃ មាត់រអិល នូ ឧសភា ប៉ះជាមួយ ឈិន មុន្នីនាថ នៅពេលនេះ
- 2020-07-17 07:35:21
- ចំនួនមតិ 0 | ចំនួនចែករំលែក 0
តួអង្គឯករពិសដៃ មាត់រអិល នូ ឧសភា ប៉ះជាមួយ ឈិន មុន្នីនាថ នៅពេលនេះ
ចន្លោះមិនឃើញ
លោក នូ ឧសភា និងកញ្ញា ឈិន មុន្នីនាថ ដ៏ស្រស់ស្អាត ត្រូវបានគេចាប់ឲ្យជួបគ្នាជាលើកដំបូងក្នុងខ្សែភាពយន្តភាគសម្រាប់ទូរទស្សន៍មួយរឿង មានចំណងជើងថា "អ្នកម្ដាយវ័យក្មេងវគ្គ២" បន្ទាប់ពីអ្នកម្ដាយវ័យក្មេងវគ្គ១” បានរសាត់បាត់ទៅជិត១ឆ្នាំហើយ។
តារាសម្ដែងវ័យក្មេង និងជាតួអង្គឯកស្រីក្នុងរឿងនេះ គឺកញ្ញា ឈិន មុន្នីនាថ បង្ហាញពីអារម្មណ៍ពិតថា នាងនៅតែលំបាកក្នុងការសម្ដែងជាតួអង្គកម្សត់ដែលទទួលរងនូវការធ្វើបាបផ្លូវចិត្តសព្វបែបយ៉ាង ព្រោះចរិតពិតរបស់នាង និងតួឯកប្រុស គឺលោក នូ ឧសភា ជាមនុស្សរពឹស និងចូលចិត្តលេងសើចច្រើន។ ប៉ុន្តែនាងជឿថា ក្នុងវគ្គ២ នេះ នាងនឹងសម្ដែងបានកាន់តែល្អ ហើយប្លែកភ្នែកសម្រាប់ប្រិយមិត្ដជាងវគ្គមួយ ព្រោះនាងនឹងក្លាយជាតួកាន់តែកម្សត់។
ប្រធានផ្នែកគ្រប់គ្រងកម្មវិធីផ្សាយរបស់ ភីអិនអិន លោកស្រី ទូច បុប្ផា និយាយថា មានហេតុផលសំខាន់២ដែលស្ថានីយសម្រេចផលិត និងលើកយករឿងនេះមកចាក់បញ្ចាំងបន្តទៀត គឺដោយសាររឿង"អ្នកម្ដាយវ័យក្មេងវគ្គ១" ទទួលបានការគាំទ្រ និងមានសំណូមពរច្រើនពីប្រិយមិត្តឲ្យមានការថតបន្តទៀត។ ម្យ៉ាងរឿងនេះមានឈុតឆាកជាច្រើនបានបង្កប់នូវខ្លឹមសារអប់រំដល់គូស្នេហ៍វ័យក្មេង បង្ហាញពីការលំបាករបស់ម្ដាយ ឬស្រ្ដីពពោះ និងមានខ្លឹមសារអប់រំក្មេងតូចៗទៀតផង។
បើតាមអ្នកគ្រប់គ្រងផលិតកម្ម LD លោក លៀក លីដា ថា រឿង"អ្នកម្ដាយវ័យក្មេងវគ្គ២” នេះ នឹងចេញថតចាប់ពីថ្ងៃទី២០ ខែកក្កដា ហើយត្រូវចំណាយពេលប្រមាណពី៧០ ទៅ៨០ថ្ងៃ ឬស្មើនឹងជិត៣ខែ ទើបថតចប់។ លោកយល់ថា ការសម្ដែង ឬថតនៅក្នុងរឿងវគ្គ២ នេះ នឹងមិនសូវមានបញ្ហាប្រឈមទេ ដោយសារតែតួអង្គយល់ពីសាច់រឿង ហើយទីតាំងថតភាគច្រើន គឺនៅរាជធានីភ្នំពេញផ្ទាល់។
យ៉ាងណាទាំងផលិតកម្ម និងស្ថានីយទូរទស្សន៍ដែលជាម្ចាស់ផលិត មិនទាន់បញ្ចេញកាលបរិច្ឆេទសម្រាប់ដាក់បញ្ចាំងនៅឡើយទេ៕