- 2020-07-22 07:52:59
- ជីវិតតារា
តារាសម្ដែងស្រី អ៊ុំ សក្ខណា កំពុងសន្សំប្រាក់ធ្វើរឿងមួយ ដើម្បីឧទ្ទិសជូនអ្នកម្ដាយ
- 2020-07-22 07:52:59
- ចំនួនមតិ 0 | ចំនួនចែករំលែក 0
តារាសម្ដែងស្រី អ៊ុំ សក្ខណា កំពុងសន្សំប្រាក់ធ្វើរឿងមួយ ដើម្បីឧទ្ទិសជូនអ្នកម្ដាយ
ចន្លោះមិនឃើញ
តារាសម្ដែងស្រីជើងចាស់ អ៊ុំ សក្ខណា ហៅម៉ែនឿន ប្ដេជ្ញាថានឹងសន្សំលុយពីអាជីពសិល្បៈទៅធ្វើចេតិយធំ និងសមរម្យមួយនៅឯស្រុកកំណើតនាខេត្តកំពង់ស្ពឺ ដើម្បីតម្កល់អដ្ឋិធាតុម្ដាយដែលទើបចែកឋានទៅនោះ ខណៈអាជីពសម្ដែងរបស់គាត់ក៏ងើបឡើងវិញបន្តិចហើយដែរ។
ទោះជាយ៉ាងតារាសម្ដែងរូបនេះមិនចង់ឲ្យមានការផ្សព្វផ្សាយពីបញ្ហាជីវភាព ឬបញ្ចេញសារអំពាវនាសុំជំនួយអ្វីទៀតនោះទេ ដោយអ្នកស្រីលើកឡើងថា កាលពីថ្ងៃបុណ្យសព និងថ្ងៃបុណ្យខួប៧ថ្ងៃ មានសិល្បករ-សិល្បការិនី ព្រមទាំងសប្បុរសជនបានឧបត្ថម្ភម្ដងហើយ។ អ្នកស្រីគិតថា ពិធីបុណ្យខួប១០០ថ្ងៃរបស់អ្នកម្ដាយ នឹងមិនអាចធ្វើទៅរួចទេ ព្រោះនៅទ័លដៃទ័លជើងនៅឡើយ។
ត្បិតថាអ្នកស្រីនឹងមិនអាចធ្វើពិធីបុណ្យខួប១០០ថ្ងៃ ដើម្បីឧទ្ទិសកុសលផលបុណ្យជូនអ្នកម្ដាយជាទីស្រឡាញ់ដែលរហូតមកថ្ងៃនេះ រូបគាត់ផ្ទាល់មិនទាន់រំសាយចិត្តទាំងស្រុងនៅឡើយនោះ នឹងធ្វើចេតិយសមរម្យមួយជំនួសព្រះភូមតូចដែលកំពុងដាក់តម្កល់អដ្ឋិធាតុម្ដាយនៅឯផ្ទះសព្វថ្ងៃនោះវិញ។
សូមរំលឹកថា កាលពីចុងខែមិថុនា ឆ្នាំ២០២០ អ្នកម្ដាយរបស់តារាសម្ដែងជើងចាស់ដែលចូលប្រឡូកក្នុងសិល្បៈផ្នែកសម្ដែងតាំងពីឆ្នាំ១៩៨៦ មកនោះ បានទទួលមរណភាព ដោយជរាពាធ ក្នុងជន្មាយុ៩៧ឆ្នាំ។ នៅពេលដែលអ្នកម្ដាយធ្លាក់ខ្លួនឈឺធ្ងន់ និងថ្ងៃម្ដាយទទួលមរណភាពនេះហើយដែលបែកធ្លាយពីជីវភាពខ្វះខាតរបស់តារាសម្ដែង អ៊ុំ សក្ខណា ហៅម៉ែនឿន នៅឯស្រុកភ្នំស្រួច ខេត្ដកំពង់ស្ពឺ។
ពាក្យចាស់លោកពោលថា"ភាពក្រែងចិត្តអ្នកដទៃ គឺជាសម្បត្តិរបស់អ្នកថ្លៃថ្នូរ”។ ស្រដៀងគ្នានេះដែរ តារាសម្ដែងស្រី អ៊ុំ សក្ខណា មិនចង់រំខាន ឬដាក់បន្ទុកដល់សម្បុរជនណាម្នាក់ឲ្យជួយគ្រួសារគាត់ម្ដងហើយម្ដងទៀតនោះទេ ដោយអ្នកស្រីតស៊ូរកប្រាក់ដោយខ្លួនឯងដើម្បីផ្គត់ផ្គង់ជីវភាព និងដោះស្រាយនូវអ្វីដែលជាបំណងប្រាថ្នារបស់ខ្លួន។ ដូចជាបំណងធ្វើចេតិយជូនអ្នកម្ដាយនេះជាដើម៕
