- 2020-09-02 09:27:23
- ព័ត៌មាន
ប្រទះឃើញ ព្រាប សុវត្ថិ ពាក់នាឡិកាសែស្រឡាយនាឡិកាតម្លៃលានដុល្លាររបស់សម្ដេចតេជោ ហ៊ុន សែន ឯតម្លៃក៏កប់ដែរ
- 2020-09-02 09:27:23
- ចំនួនមតិ 0 | ចំនួនចែករំលែក 0
ប្រទះឃើញ ព្រាប សុវត្ថិ ពាក់នាឡិកាសែស្រឡាយនាឡិកាតម្លៃលានដុល្លាររបស់សម្ដេចតេជោ ហ៊ុន សែន ឯតម្លៃក៏កប់ដែរ
ចន្លោះមិនឃើញ
ប៉ុន្មានខែមុន មានការចាប់ជាច្រើនទៅនាឡិកាដៃដែលសម្ដេចតេជោ ហ៊ុន សែន នាយករដ្ឋមន្ត្រីនៃរាជរដ្ឋាភិបាលកម្ពុជាពាក់ ដែលក្រោយមកមានអ្នកជំនាញបង្ហើបថា នោះគឺជាសែស្រឡាយនាឡិកាសម្រាប់ឥស្សរជនកំពូលៗ ក៏ដូចជាថ្នាក់ដឹកនាំពាក់ ដែលវាមានតម្លៃដល់ទៅរាប់លានដុល្លារឯណោះ។ ខណៈនេះ លោក ព្រាប សុវត្ថិ ក៏ត្រូវបានគេបង្ហើបចេញថា លោកក៏ប្រើប្រាស់នាឡិកាសែស្រឡាយនោះដែរ។
តាមព័ត៌មានកន្លងនាឡិកាដៃដែលសម្ដេចតេជោ ហ៊ុន សែន ពាក់ គឺម៉ាក Patek Phillipe Geneve ហើយ លោក ព្រាប សុវត្ថិ ដែលទើបនឹងផ្លាស់ទ្រនំគួរឲ្យភ្ញាក់ផ្អើលមក Galaxy នោះ ក៏មានប្រើមួយដែរ។ របស់លម្អកាយរបស់បុរសមួយនេះ ត្រូវអ្នកជំនាញហៅថា ជាស្ដេចនាឡិកា ដោយសារតែភាពប្រណិត និងតម្លៃមហាសាលរបស់វា ដូច្នេះហើយ ទើបគេឃើញមានប្រើប្រាស់ភាគច្រើនតែឥស្សរជនកំពូលៗ និងមហាសេដ្ឋីប៉ុណ្ណោះ។
តាមការចែកចាយបន្តគ្នាកន្លងមកដោយមានភ្ជាប់ប្រភពនាឡិកាផង បានឲ្យដឹងថា នាឡិការបស់សម្ដេចតេជោ ហ៊ុន សែន មានតម្លៃដល់ទៅរាប់លានដុល្លារឯណោះ។ ងាកមកស៊េរីដែលលោក ព្រាប សុវត្ថិ ពាក់វិញក៏មានតម្លៃមិនធម្មតាដែរ។ បើទោះមិនមានតម្លៃដល់លានដុល្លារ ប៉ុន្តែតាមទំព័រហ្វេសប៊ុកក្នុងស្រុកមួយដែលមានជំនាញខាងនាឡិកាដៃដែរនោះ បានឲ្យដឹងថា នាឡិកា Patek Phillipe Geneve របស់លោក ព្រាប សុវត្ថិ ក៏មានតម្លៃ ១០ ម៉ឺនដុល្លារអាមេរិកដែរ។
តម្លៃនេះ បានធ្វើឲ្យមានការភ្ញាក់ផ្អើល និងចាប់អារម្មណ៍ខ្លាំង និងមានការភ្ញាក់ផ្អើលដូចគ្នា។ យ៉ាងណា មិនចម្លែកនោះ ព្រោះថា លោកព្រាប សុវត្ថិ គឺជាកំពូលរបស់កម្ពុជាច្រើនទសវត្សរ៍ណាស់មកហើយ សំខាន់ជាងនេះ លោកក៏មានមុខរបររកស៊ីខាងក្រៅសិល្បៈជាច្រើន ពោលគឺមានហាងកាត់សក់ ហាងអាហារ និងពិសេស លោកក៏ជាអ្នកជំនួញដីឡូតិ៍មួយរូបដែរ។ ដូច្នេះ គេជឿថាត្រឹមតម្លៃនាឡិកា ត្រឹម ១០ម៉ឺនដុល្លារអាមេរិក ពិតជាមិនថ្លៃសម្រាប់លោកឡើយ៕
