ស្ត្រីស្អាត Virginia Prak កូនខ្មែរសញ្ជាតិអាមេរិក រាំរបាំជូនពរ មិនចាញ់អ្នករាំអាជីព
បវរកញ្ញា Miss Global 2015 ចំនួន៣នាក់ ដែលមានម្នាក់ឈ្មោះVirginia Prak ជាកូនខ្មែរសញ្ជាតិអាមេរិក បានមកចូលរួមតន្ត្រីសប្បុរសធម៌ដើម្បីជួយដល់មន្ទីរពេទ្យកុមារអង្គរនោះ បានធ្វើឲ្យទស្សនិកជនភ្ញាក់ផ្អើលជាខ្លាំង នៅសាលមហោស្រពចតុមុខ ពេលដែលឃើញកូនខ្មែររូបនេះ រាំរបាំជូនពរបានល្អ មិនចាញ់អ្នករាំអាជីព។
ពិធីករ ពិធីការិនីបានប្រកាសថា ក្រុមដែលរាំរបាំជូនពរបើកក្បាលដំបូងដែលមានសមាជិក៦នាក់នោះ មានម្នាក់ជាកូនខ្មែរសញ្ជាតិអាមេរិក ធ្វើឲ្យទស្សនិកជនដែលអញ្ជើញមកទស្សនាភ្ញាក់ផ្អើល ព្រោះក្រុមអ្នករាំរបាំនេះ រាំបានល្អដូចជាអ្នករាំងអាជីពតែម្ដង។ Virginia Prak ដែលអាចនិយាយខ្មែរបានតិចៗ បានប្រាប់ថា នាងមានចិត្តស្រលាញ់របាំប្រពៃណីខ្មែរតាំងពីខ្លួនដឹងក្ដី ដូច្នេះហើយ ក៏បានរៀនរាំរបាំបានចេះចាំមួយចំនួន។
Miss Global 2015 ទាំង៣នាក់ចូលរួមការប្រគំតន្ត្រីសប្បុរសធម៌យប់មិញនេះ មានកញ្ញា Jessica Peart, Virginia Prak, Lorna Murphy , ហើយពួកគេ នឹងទៅទស្សនាប្រាសាទអង្គរវត្ត ក្នុងថ្ងៃនេះ៕
ការប្រគំតន្ត្រីសប្បុរសធម៌យប់មិញនេះ មានថ្នាក់ដឹកនាំរាជរដ្ឋាភិបាលជាច្រើនរូបបានចូលរួម ដោយបានឧបត្ថម្ភប្រាក់ជាច្រើន ដល់កម្មវិធីនេះផង។ ថវិកា១០០% បានពីការប្រគំតន្ត្រីចូលរួមដោយ បវរកញ្ញា Miss Global 2015 នឹងបែងចែកជា២ផ្នែក គឺទី១ផ្ដល់ជូនមន្ទីរពេទ្យគន្ធបុប្ផា និងទី២ផ្ដល់ជូនទៅមន្ទីរពេទ្យកុមារអង្គរខេត្តសៀមរាប។
ក្រៅពី Miss Global 2015 ទាំង៣នាក់ ក៏មានតារាចម្រៀង និង ក្រុមសិល្បៈកម្ពុជាច្រើនអ្នកផងដែរបានចូលរួម ដែលមានដូចជា លោក អ៊ុក ណារីម អ្នកនាង ឆោម ឆពុំ អ្នកនាង ម៉េង កែវពេជ្ជតា លោក រ័ត្ន មករា អ្នកស្រី ហ៊ឹម ស៊ីវន លោក ហួរ ឡាវី កញ្ញា មាស សុខសោភា លោក ម៉ា ចន្ទ័បញ្ញា ក្រុមកំប្លែងនាយកុយ ជាដើម៕
កញ្ញា Jessica Peart ជយលាភី Miss Global 2015
កញ្ញា Lorna Murphy ជយលាភីលេខ៣ Miss Global 2015
អត្ថបទ៖ ខុត សីហា
