នៅថ្ងៃទី ០៦ ខែធ្នូ ផលិតកម្ម YG បានធ្វើសេចក្តីប្រកាសមួយដោយលើកឡើងថា៖ «យើងបានឈានដល់កិច្ចព្រមព្រៀងដោយជោគជ័យនៅក្នុងក្រុមប្រឹក្សាភិបាលរបស់យើងទាក់ទងនឹងការចុះហត្ថលេខាលើកិច្ចសន្យាផ្តាច់មុខ សម្រាប់សមាជិកទាំងបួនរបស់ BLACKPINK ដែលជាការគោរពចំពោះសិល្បកររបស់យើង»។

ការចរចាកិច្ចសន្យារបស់ BLACKPINK ជាមួយផលិតកម្ម YG បានបន្តចាប់តាំងពីកិច្ចសន្យាមុនរបស់ពួកគេបានផុតកំណត់នៅក្នុងខែសីហា។ ខណៈពេលដែលការសម្រេចចិត្តត្រូវបានធ្វើឡើង ដើម្បីបន្តសកម្មភាពក្រុម កិច្ចសន្យារៀងៗខ្លួនសម្រាប់សមាជិកនីមួយៗមិនទាន់ត្រូវបានបញ្ចប់នៅឡើយទេ។ គួរកត់សម្គាល់ថា យោងតាម Munhwa Ilbo សមាជិកពីរនាក់ រួមទាំង Lisa បានជ្រើសរើសផ្លូវបំបែកជាមួយផលិតកម្ម YG រួចហើយ ខណៈដែលការពិភាក្សាជាមួយសមាជិកពីររូបដែលនៅសល់កំពុងដំណើរការនៅឡើយ។

BLACKPINK បាន​បញ្ចប់​ការ​ប្រគំ​តន្ត្រី​ទេសចរណ៍​ពិភពលោក​ដែល​ទទួល​បាន​ជោគជ័យ​យ៉ាង​ខ្លាំង​របស់​ពួក​គេ 'Born Pink' នៅ​ខែ​កញ្ញា។ ដំណើរនៃការប្រគំតន្ត្រីទេសចរណ៍នេះបានទាក់ទាញអ្នកចូលរួមដល់ទៅជាង ១,៨លាននាក់ ដោយចំនួនលក់កើនឡើងជិត ៣០០ ពាន់លានវ៉ុន។ ទោះបីជាមិនមានកិច្ចសន្យាផ្តាច់មុខរៀងខ្លួនក៏ដោយ ក៏គេរំពឹងថា YG និងសមាជិកម្នាក់ៗនឹងបន្តទទួលបានប្រាក់ចំណេញយ៉ាងច្រើនពីសកម្មភាពក្រុមរបស់ BLACKPINK៕