- 2018-05-16 02:40:00
- ភាពយន្ត
ទីបំផុតតួ Super Man បញ្ជាក់រឿងរ៉ាវជុំវិញពុកមាត់របស់ខ្លួន និងភាពយន្ត "Justice League”
- 2018-05-16 02:40:00
- ចំនួនមតិ 0 | ចំនួនចែករំលែក 0
ទីបំផុតតួ Super Man បញ្ជាក់រឿងរ៉ាវជុំវិញពុកមាត់របស់ខ្លួន និងភាពយន្ត "Justice League”
ចន្លោះមិនឃើញ
តារាសម្ដែង Henry Cavill បានបង្ហើបពីបញ្ហារឿងរ៉ាវកើតឡើងដោយសារតែពុកមាត់ខ្លួន ខណៈពេលត្រូវថតឈុតឆាករឿង "Justice League” ខ្លះៗឡើងវិញ។
តារាសម្ដែងរួបនេះបានទុកពុកមាត់ឲ្យដុះសម្រាប់ថតរឿង "Mission: Impossible - Fallout” ហើយមិនអាចកោរវាចោលដើម្បីមកថតឈុតឆាកខ្លះៗដែលត្រូវការដើម្បីថតរឿង "Justice League” បានឡើយ។ ដូច្នេះហើយដើម្បីដោះស្រាយបញ្ហានេះ ផលិតកម្ម Warner Bros. បានសម្រេចចិត្តលុបពុកមាត់លោកចោលដោយប្រើបច្ចេកទេសកុំព្យូទ័រ។ បន្ទាប់ពីបានកោរពុកមាត់របស់ខ្លួនកាលពីខែមិនា ពេលនេះ Henry បានបង្ហាញពីអារម្មណ៍ខ្លះៗពាក់ព័ន្ធនឹងបញ្ហានេះ។
“នៅពេលដែលយើងសម្រេចចិត្តបណ្ដុះពុកមាត់សម្រាប់តួដែលត្រូវសម្ដែង ខ្ញុំមិនបានដឹងជាមុនទេនូវហេតុការណ៍ដែលអាចកើតឡើង។" លោកបានបញ្ជាក់ប្រាប់ទស្សនាវដ្ដី Empire ដូច្នេះក្នុងកិច្ចសម្ភាសន៍មួយកាលពីថ្ងៃអង្គារ។
លោកបន្ថែមថា៖ "ខ្ញុំមិនបានរំពឹងទុកថាឈុតឆាកដែលត្រូវថតបន្ថែមក្នុង Justice League វាច្រើននិងត្រូវចំណាយពេលច្រើនដូច្នេះ។"
ដោយសារតែត្រូវសម្ដែងក្នុងរឿង "Mission: Impossible - Fallout” ជាតួអង្គ August Walker ដូច្នេះហើយលោកមិនអាចកោរពុកមាត់ចោលបានទេ។ នេះដោយសារតែ Mission Impossible ជាភាពយន្តបែបវាយតប់បាញ់ប្រហារតម្រូវឲ្យលោកសម្ដែងឈុតឆាក Stunts ដោយខ្លួនឯងជាច្រើនឈុតឆាកផងដែរ។
ថ្មីៗនេះក្រោយពីលោកបានកោរពុកមាត់ហើយ Henry បាននិយាយថាខ្លួនពិតជានឹងមុខមាត់ណាស់ ហើយពិតជារីករាយនឹងទុកឲ្យវាដុះម្ដងទៀត។
ម្យ៉ាងវិញទៀតលោកក៏បានបង្ហាញមិនពេញចិត្តនឹងរបៀបដែល Warner Bros. ធ្វើការផ្សព្វផ្សាយរឿង "Justice League” នោះទេ ដោយមិនបង្ហាញ Superman នៅក្នុង Trailer។
ភាពយន្ត "Mission: Impossible – Fallout” នឹងចាប់ដាក់បញ្ចាំងនៅកម្ពុជានៅខែកក្កដានេះហើយ៕