/5b28789d83380_1529378940_medium.png)
- 2018-06-19 04:30:00
- ភាពយន្ត
កើតចេញពីនិស្ស័យពិតៗ! Mai និង Ter នឹងវិលមកជុំគ្នាម្ដងទៀតក្នុងរឿងភាគថ្មី
- 2018-06-19 04:30:00
- ចំនួនមតិ 0 | ចំនួនចែករំលែក 0
កើតចេញពីនិស្ស័យពិតៗ! Mai និង Ter នឹងវិលមកជុំគ្នាម្ដងទៀតក្នុងរឿងភាគថ្មី
ចន្លោះមិនឃើញ
បន្ទាប់ពីរួមការងារជាមួយគ្នាលើកទី១ក្នុងរឿងភាគមានចំណងជើងថា "Chai Mai Jing Ying Tae” កាលពីឆ្នាំ ២០១៧ ពេលនេះមានព័ត៌មានថ្មីថា Ter Chantavit និង Mai Davika គ្រោងចាប់ផ្ដើមការងារថ្មីមួយទៀតជាមួយគ្នា។
រឿងទី ១ដែលអ្នកទាំង ២សម្ដែងរួមគ្នាពិតជាទទួលបានមតិល្អច្រើនពីអ្នកទស្សនា កាលពីពេលកន្លងទៅ ជាពិសេសវាបានរឹតចំណងទំនាក់ទំនងរបស់អ្នកទាំង ២ឲ្យមានភាពជិតស្និទ្ធនឹងគ្នាថែមទៀតផង។ ម្យ៉ាងភាពស៊ីសង្វាក់នេះហើយ ទើបធ្វើឲ្យអ្នកទស្សនាចង់ឃើញស្នាដៃសម្ដែងរបស់ពួកគេម្ដងទៀត។
នៅពេលនេះអ្វីដែលគ្រប់គ្នាទន្ទឹងរង់ចាំបានមកដល់ គឺថា Ter និង Mai នឹងវិលមកជុំគ្នាម្ដងទៀតក្នុងរឿងភាគដែលផលិតថ្មីមានចំណងជើងថា "Nang Sao Mai Jam Kad Nam Sakul” របស់ទូរទស្សន៍ ONE 31។ តួសម្ដែងក្នុងរឿងថ្មីនេះទាំងអស់បានមកជុំគ្នា សមរឿងហើយកាលពីពេលថ្មីៗនេះ។
គួររម្លឹកផងដែរថារឿងភាគនេះ បានផលិតដំបូងកាលពីឆ្នាំ ១៩៩៧ សម្ដែងដោយ Marsha Vadhanapanich និង Jirayuth Wattanasin ហើយពេលនេះវាបានវិលមកជាថ្មីមកកំដរអារម្មណ៍អ្នកទស្សនា។ ចាំមើលថា តើស្នាដៃផលិតថ្មីនេះពិសេស និងប្លែកភ្នែកជាងលើកមុនកម្រិតណា រង់ចាំទស្សនាទាំងអស់គ្នា៕
