- 2018-10-03 08:58:02
- ជីវិតតារា
ទំនាក់ទំនងកាន់តែល្អូកល្អិន អេដាបែរជាប្ដូរចិត្ត មិនទាន់ចង់រៀបការជាមួយគូស្នេហ៍
- 2018-10-03 08:58:02
- ចំនួនមតិ 0 | ចំនួនចែករំលែក 0
ទំនាក់ទំនងកាន់តែល្អូកល្អិន អេដាបែរជាប្ដូរចិត្ត មិនទាន់ចង់រៀបការជាមួយគូស្នេហ៍
ចន្លោះមិនឃើញ
តារាចម្រៀង Original Song អេដា បានបើកបង្ហាញទំនាក់ទំនងស្នេហាជាសាធារណៈជាមួយលោក Allen Tan ដោយកន្លងមក ថែមទាំងធ្លាប់បង្ហើបពីគម្រោងចូលរោងការជាមួយគ្នា ខាងមុខទៀតផង។ តែពេលនេះ អេដា បែរជាប្រាប់ថា មិនទាន់ចង់គិតរឿងរៀបការ ហើយថែមទាំងមិនអាចបញ្ជាក់ឲ្យច្បាស់លាស់បាន លើពេលវេលារៀបការទៅវិញ។
មូលហេតុនេះ ត្រូវម្ចាស់បទ" ពីរនាក់បានហើយ" ទម្លាយថា កំពុងមមាញឹកនឹងរបររកស៊ីដែលចូលហ៊ុនគ្នាជាមួយម្ចាស់ចិត្តកូនខ្មែរកាត់អាមេរិក។ គួបផ្សំនឹងការងារសិល្បៈកាន់តែរវល់ ធ្វើឲ្យអ្នកទាំងពីរផ្លាស់ប្ដូរចិត្ត មិនកំណត់ថា នឹងចូលរោងការនៅពេលណានោះទេ។
អេដាប្រាប់ថា ថ្មីៗនេះទើបចុះកុងត្រា២ឆ្នាំ បន្តនៅក្រុមហ៊ុន Smart ផលិតបទចម្រៀង Original Song ហើយម្យ៉ាងទៀត ពួកគេបើកហាងអាហារ សាឡន Studio រួមគ្នា ហើយចុងឆ្នាំនេះ គ្រោងនាំចូលផលិតផលថែរក្សាស្បែកពីបរទេសមកលក់នៅស្រុកខ្មែរថែមទៀត។ ដូច្នេះ ធ្វើឲ្យអ្នកទាំងពីរត្រូវការពេលវេលាច្រើន ផ្ដោតលើរបររកស៊ី និងការងារ ច្រើនជាងរឿងផ្ទាល់ខ្លួន។
បើនិយាយបីទំនាក់ទំនងស្នេហាវិញ តារាចម្រៀង Original Song បន្ថែមថា គ្មានការប្រែប្រួលទេ គឺមានតែស្រលាញ់គ្នាទ្វេដង។ ដោយសារតែម្នាក់ៗរីករាយនឹងសេចក្ដីសុខរាល់ថ្ងៃបែបនេះជាមួយគ្នាហើយ ទើបម្ចាស់បទ "រាត្រីចុងក្រោយ" យល់ថា ពេលវេលារៀបការនៅពេលណា មិនសំខាន់ឡើយ។ អ្វីដែលសំខាន់ អ្នកទាំងពីរចង់ពង្រឹងការរកស៊ី ការងារសិល្បៈ និងបន្តរស់នៅបែបជីវិតមានសុភមង្គលនេះ គ្រប់គ្រាន់ហើយ៕