- 2018-11-12 03:55:00
- ចម្រៀង
"Suncity" បទថ្មីបែបឡាទីន អង្រួនបេះដូងអ្នកស្ដាប់ ពិសេសត្រូវប៉ាន់អ្នកចង់មានគ្នាមកនែបនិត្យ
- 2018-11-12 03:55:00
- ចំនួនមតិ 0 | ចំនួនចែករំលែក 0
"Suncity" បទថ្មីបែបឡាទីន អង្រួនបេះដូងអ្នកស្ដាប់ ពិសេសត្រូវប៉ាន់អ្នកចង់មានគ្នាមកនែបនិត្យ
ចន្លោះមិនឃើញ
បទចម្រៀងប្រភេទ ដែលមានចំណងជើងថា "Suncity” គឺជាបទថ្មីដែលច្រៀងជាភាសា២បញ្ចូលគ្នា គឺ អង់គ្លេស និងអេស្ប៉ាញ ដោយតារាចម្រៀង និងអ្នកនិពន្ធអាមេរិក Khalid សហការជាមួយតារាចម្រៀងអាមេរិកឡាទីន Empress Of។ ភ្លេងរបស់ចម្រៀងនេះ ពិតជាទាក់ចិត្តអ្នកស្ដាប់ជាច្រើន ពេលបើកក្បាលមកភ្លាម ព្រោះតែចង្វាក់បែបឡាទីន ដែលពេញនិយមបំផុតនាពេលបច្ចុប្បន្ន។
និយាយពីអត្ថន័យវិញ ពេលចូលភ្លាម បទនេះបានបង្ហាញថា Khalid កំពុងរកមនុស្សសំខាន់ណាម្នាក់ដែលអាចនាំខ្លួនទៅទីក្រុងដែលមានទេសភាពស្រស់ស្អាតចែងចាំងដោយពន្លឺព្រះអាទិត្យ។ ទោះជាយ៉ាងណា គេមិនច្បាស់ថា តើ Khalid ចង់សំដៅលើទីក្រុង ឬចង់ប្រៀបធៀបន័យទៅអ្វីផ្សេងឡើយ។ ប៉ុន្តែយ៉ាងណាក្ដី ពាក្យថា ទីក្រុងពេញដោយពន្លឺព្រះអាទិត្យ (Suncity) ចង់សំដៅ ដល់ទីកន្លែងដែលពេញដោយភាពសប្បាយរីករាយ ដែលមនុស្សសំខាន់អាចនាំតារាចម្រៀងរូបនេះទៅបាន។
មួយវិញទៀត Khalid នៅឆ្លៀតបង្ហាញពីបំណងធំរបស់ខ្លួនក្នុងបទចម្រៀង ដោយរំលេចក្ដីស្រឡាញ់ធំធេង និងសង្ឃឹមមុតមាំថា លោកនឹងជួបមនុស្សពិសេសម្នាក់នោះនៅថ្ងៃណាមួយក្នុងពេលឆាប់ៗ។
តាមការរកឃើញចុងក្រោយ ក៏បានបន្ថែមទៀតថា "Suncity” ដែល Khalid បញ្ជាក់ក្នុងបទចម្រៀងនេះ អាចសំដៅដល់ទីក្រុង El Paso រដ្ឋ Texas សហរដ្ឋអាមេរិក។ មូលហេតុដែលនាំឲ្យមានការសន្និដ្ឋានបែបនេះ ក៏ដោយសារឈ្មោះហៅក្រៅរបស់ទីក្រុងនេះ គឺ "Sun City”។
យ៉ាងណាមិញ "Suncity” របស់ Khalid ចេញជាផ្លូវការកាលពីថ្ងៃទី ១៩ ខែតុលា ឆ្នាំ ២០១៨។ នេះជាស្នាដៃថ្មីមួយទៀតរបស់ Khalid និង Empress Of ក្រោយពីជោគជ័យរួមគ្នាដំបូងតាមរយៈបទ “Why Don’t You Come On” ដែលចេញកាលពីឆ្នាំ ២០១៧៕