- 2019-04-29 04:26:00
- ភាពយន្ត
Avengers: Endgame រកលុយបាន ១ ពាន់លានដុល្លារ លឿនជាងគេបំផុតក្នុងប្រវត្តិសាស្ត្រ
- 2019-04-29 04:26:00
- ចំនួនមតិ 0 | ចំនួនចែករំលែក 0
Avengers: Endgame រកលុយបាន ១ ពាន់លានដុល្លារ លឿនជាងគេបំផុតក្នុងប្រវត្តិសាស្ត្រ
ចន្លោះមិនឃើញ
តាមការចេញផ្សាយរបស់វិបសាយ Variety បានឲ្យដឹងថាខ្សែភាពយន្ត Avengers: Endgame អាចរកចំណូលបានរហូតដល់ ១,២ ពាន់លានដុល្លារពីទីផ្សារលើសកលលោក ក្នុងឱកាសចាក់បញ្ចាំងអំឡុងពេលចុងសប្ដាហ៍ដំបូង ពោលក្នុងរយៈពេលប្រមាណ ៥ ថ្ងៃប៉ុណ្ណោះ។
វាជាខ្សែភាពយន្តទី ៨ របស់ Marvel Cinematic Universe ដែលរកចំណូលបានខ្ទង់ ១ ពាន់លានដុល្លារ និងជាខ្សែភាពយន្តដែលរកចំណូលបានលឿនជាងគេទៀតផង។ កាលពីខ្សែភាពយន្ត Avengers: Infinity War អាចរកចំណូលបាន ៦៣០ លានដុល្លារក្នុងអំឡុងការចាក់បញ្ចាំងនៅចុងសប្ដាហ៍ដំបូងរបស់ខ្លួន ហើយវាបានបង្កើតកំណត់ត្រាជាខ្សែភាពយន្តរកចំណូល ១ ពាន់លានដុល្លារបានលឿនជាងគេ ដោយប្រើពេលត្រឹម ១១ ថ្ងៃប៉ុណ្ណោះ។
គួរដឹងថាកំណត់ត្រារបស់ Endgame នេះ មានការជួយជ្រោមជ្រែងយ៉ាងសន្ធឹកពីទីផ្សារប្រទេសចិន ដោយអាចរកចំណូលបានប្រមាណ ៣២៩ ដុល្លារសម្រាប់ការចាក់បញ្ចាំងដំបូង។ ចំពោះខ្សែភាពយន្តវគ្គ Infinity War វិញមិនទទួលបានលាភសំណាងដូចនេះឡើយ ដោយសារវាចាក់បញ្ចាំងនៅប្រទេសចិន ក្រោយគេប្រមាណ ២ សប្ដាហ៍ឯណោះ។
ជោគជ័យនេះដែរ មិនមែនកើតឡើងក្នុងពេលតែមួយយប់នោះទេ វាគឺជាផ្លែផ្កានៃការសែស្រឡាយខ្សែភាពយន្ត Marvel ដែលចាប់ផ្ដើមតាំងពី ១១ ឆ្នាំមុន ជាមួយខ្សែភាពយន្ត Iron Man និងបន្តរហូតដល់ខ្សែភាពយន្ត Avengers: Endgame នេះ ដែលជាភាពយន្តទី ២២៕
ចុចអាន៖ Marvel កំពុងស្វែងរកតួអង្គភេទទី៣ សញ្ជាតិអាស៊ីសម្រាប់ភាពយន្តរឿង "The Eternals”
