- 2018-08-28 04:15:00
- ជីវិតតារា
ធ្លាប់ជិះយន្តហោះម្ដងហើយ! ហេតុអ្វី នាយ គ្រឿន នៅតែខ្លាចមិនហ៊ានទៅក្រៅប្រទេសម្នាក់ឯង?
- 2018-08-28 04:15:00
- ចំនួនមតិ 0 | ចំនួនចែករំលែក 0
ធ្លាប់ជិះយន្តហោះម្ដងហើយ! ហេតុអ្វី នាយ គ្រឿន នៅតែខ្លាចមិនហ៊ានទៅក្រៅប្រទេសម្នាក់ឯង?
ចន្លោះមិនឃើញ
តារាសំណើចមិនចេះរីងស្ងួត នាយ គ្រឿន បានលើកឡើងថា អំឡុងពេលនេះមានពុកម៉ែបងប្អូនមួយចំនួនបានទាក់ទងនាយ ឲ្យទៅច្រៀង និងសម្ដែងនៅក្រៅប្រទេសច្រើនណាស់។ តែគួរឲ្យស្ដាយសំណើទាំងនោះត្រូវបានតួប្រុសរឿង"ជួបស៊យ" រូបនេះបដិសេធ ក្រោមហេតុផលមិនហ៊ានជិះយន្តហោះទៅក្រៅប្រទេសម្នាក់ឯង។
មូលហេតុមិនហ៊ានទៅក្រៅប្រទេសម្នាក់ឯង ដោយសារតែទី១ខ្លាចការហោះហើរនៅលើអាកាសគ្មានសាច់ញាតិបងប្អូនស្គាល់រួមដំណើរជាមួយគ្នា។ ទី២ ទាក់ទងរឿងភាសា ដោយសារតែនាយ មិនចេះភាសាអង់គ្លេសដូច្នេះហើយវាពិបាកពេលធ្វើដំណើរទៅក្រៅប្រទេសម្ដងៗ។
ត្បិតខ្លាចការហោះហើរលើអាកាសក៏ពិតមែន តែប្រសិនបើមានបងប្អូនសិល្បករ និងសិល្បការិនី ច្រើននាក់ធ្វើដំណើរជាមួយគ្នានោះ នាយ រីករាយទៅជាមួយដោយគ្មានរារែកអ្វីឡើយ។ យ៉ាងហោចណាស់ក្នុងចំណោមហ្នឹងក៏មានអ្នកចេះភាសាអង់គ្លេស និងអ្នកមានបទពិសោធន៍ច្រើនចេញចូលក្រៅប្រទេសដែរ។
នាយថា៖" ដូចកាលទៅច្រៀង និងសម្ដែងនៅកូរ៉េ អ៊ីចឹងបើមានគ្នាច្រើនបែបហ្នឹងខ្ញុំទៅ ហើយអត់ខ្លាចភិតភ័យអ្វីទាំងអស់ ព្រោះខ្ញុំទៅតាមរយៈសមាគម។ តែបើឲ្យទៅ២នាក់ឬម្នាក់ឯងអត់ហ៊ានទេ សុខចិត្តនៅច្រៀង និងលេងកំប្លែងស្រុកខ្មែរវិញ។ បើទៅច្រើននាក់ មានរឿងអ្វីយើងអាចជួយគ្នាបាន"៕
