- 2020-03-10 02:51:00
- ជីវិតតារា
ដើម្បីសិល្បៈ លោក សុខ សុធន់ សុខចិត្តលះបង់វត្ថុម្យ៉ាងដែលលោកត្រូវការបំផុត!
- 2020-03-10 02:51:00
- ចំនួនមតិ 0 | ចំនួនចែករំលែក 0
ដើម្បីសិល្បៈ លោក សុខ សុធន់ សុខចិត្តលះបង់វត្ថុម្យ៉ាងដែលលោកត្រូវការបំផុត!
ចន្លោះមិនឃើញ
ជាអ្នកដឹកនាំថត និងជាតារាសម្ដែងជំនាន់ថ្មី តែមានវ័យចំណាស់ លោក សុខ សុធន់ បានប្រាប់ថា កំពុងព្យាយាមកាត់បន្ថយការទម្លាប់ម្យ៉ាងដែលលោកបានធ្វើវាតាំងពីអាយុ ១២ឆ្នាំមក នោះគឺ "បារី"។
ទម្លាប់អំពីការជក់បារី លោក សុខ សុធន់ ប្រាប់ថា លោកធ្លាប់ជក់អស់១កញ្ចប់ ឬ២៤ដើមក្នុង១ថ្ងៃ ប៉ុន្តែបច្ចុប្បន្នលោកកាត់បន្ថយមកនៅត្រឹមបីថ្ងៃមួយកញ្ចប់ប៉ុណ្ណោះ ហើយលោកគ្រោងនឹងផ្ដាច់ទាំងស្រុងឲ្យបាននៅចុងឆ្នាំនេះ។
លោក សុខ សុធន់ ដែលទស្សនិកជនស្គាល់តាមរយៈរឿងអប់រំខ្លីៗ និងជាតារាសម្ដែងមុខស្ងួតនៅក្នុងខ្សែភាពយន្តជាច្រើនទៀត បានប្រាប់Sabay ថា រូបលោកតែងតែពិនិត្យសុខភាពនៅរៀងរាល់បីខែម្ដង ឃើញថាសុខភាពលោកនៅល្អនៅឡើយ តែគ្រូពេទ្យបានណែនាំឲ្យផ្ដាច់បារី ព្រោះវាប្រឈមខ្លាំងចំពោះសុខភាពលោកដែលវ័យចាស់ តែលោកមិនទាន់អនុវត្ដបានទាំងស្រុងនៅឡើយ។
លោក សុខ សុធន់៖ "កូនៗស្ដីឲ្យអ៊ុំច្រើនដែរ...អីចឹងបានអ៊ុំថាយ៉ាងយូរនៅឆ្នាំក្រោយផ្ដាច់មែនទែនហើយទោះដោយវិធីណាក៏ដោយ ព្រោះអ៊ុំចង់នៅមានឱកាសច្រើនទៀតបម្រើវិស័យសិល្បៈ ជាពិសេសថតរឿងអប់រំខ្លីដែលអ៊ុំធ្លាប់ធ្វើហ្នឹងបន្ដទៀត"។
ចំពោះគ្រឿងស្រវឹងគ្រប់ប្រភេទលោក សុខ សុធន់ មិនសូវទទួលទានទេ លើកលែងតែ បារី ដែលលោកមិនអាចខ្វះបានឡើយ ព្រោះតែលោកចេះជក់បារីតាំងពីអាយុ១២ឆ្នាំ គ្រាដែលលោករស់នៅជាក្មេងវត្តម្ល៉េះ ហើយរហូតមកដល់ពេលនេះ ទោះមានវ័យ៦០ឆ្នាំហើយនោះ ក៏នៅតែមិនទាន់អាចផ្ដាច់បានទាំងស្រុងនៅឡើយ៕
