ចេន សាយចៃ រំលឹកអាយុ១១ឆ្នាំ ចេញច្រៀងរកលុយនៅប្រទេសថៃ

2017-04-20 08:41:49
ជីវិតតារា

2017-04-20 08:41:49
ចំនួនមតិ 0 | ចំនួនចែករំលែក 0

ចន្លោះមិនឃើញ

ចេន សាយចៃ ចេញច្រៀងរកលុយលើកដំបូងនៅខេត្តសុរិន្ទ ប្រទេសថៃ អំឡុងពេលនាងនៅរៀនថ្នាក់បឋមសិក្សា។

ចេន សាយចៃ ធ្លាប់បានប្រាប់ Sabay ថា នាងចាប់ផ្ដើមចូលសិល្បៈមុនដំបូងនៅអាយុ១១ ឆ្នាំ រៀនថ្នាក់ទី៥ នៅបឋមសិក្សាខេត្ត សុរិន្ទ ប្រឡូកសិល្បៈភ្លាមខាងវង់ភ្លេងបានឲ្យនាងហាត់សមច្រៀងបទកន្ទ្រឹម តែ កន្ទ្រឹមបែបបូរាណជាមួយនិងស្គរដៃ។ ដោយចេញច្រៀងកន្រ្ទឹមម្ដងៗនាងទទួលបាន ១០០ បាត (លុយថៃ) ស្នើនិង ១២០០០ រៀល(លុយខ្មែរ)ពីក្រុម។

“ទោះបីជាលុយ ហ្នឹងតិចតែវាច្រើនសម្រាប់ខ្ញុំ ព្រោះលុយហ្នឹងគឺជាលុយដំបូងដែលខ្ញុំទទួលបានពីកម្លាំងញើសឈាមរបស់ខ្ញុំផ្ទាល់តែម្ដងហើយខ្ញុំក៏សប្បាយចិត្តដែរ ដែលខ្ញុំមានឱកាសអាចរកលុយរៀនដោយខ្លួនឯង" សាយចៃ និយាយ។ នាងបន្តថាតែពេលខ្លះក៏មានភ្ញៀវបរទេសមកពីក្រៅមកលេងនៅខេត្តសុរិន្ទ ហើយជួលក្រុមរបស់នាងឲ្យទៅច្រៀង ក្រុមអាចទទួលបានលុយលើសពី១០០ បាត ដែរពេលខ្លះ។

ចេន សាយចៃ បន្ថែមថា ពេលទៅច្រៀងឲ្យភ្ញៀវបរទេសទស្សនាម្ដងៗក្រុមរបស់នាងត្រូវស្លៀកសំលៀកបំពាក់តាមបែបប្រពៃណីជាតិខ្មែរ។ ដើម្បីបង្ហាញវប្បធម៌ ប្រពៃណីខ្មែរ សុរិន្ទ ក៏ដូចជាខ្មែរទាំងមូលទៅកាន់ភ្ញៀវបរទេសឲ្យបានជ្រួតជ្រាបផងដែរ៕

អត្ថបទ៖ ឆុង ស៊ីណាន