- 2020-10-12 07:51:12
- ភាពយន្ត
បែកគ្នា៤ឆ្នាំ ស៊ីន យូប៊ីន និងក្រិច ណាខុន ទើបចាប់ដៃគ្នាថតរឿងភាគមួយ
- 2020-10-12 07:51:12
- ចំនួនមតិ 0 | ចំនួនចែករំលែក 0
បែកគ្នា៤ឆ្នាំ ស៊ីន យូប៊ីន និងក្រិច ណាខុន ទើបចាប់ដៃគ្នាថតរឿងភាគមួយ
ចន្លោះមិនឃើញ
តារាសម្ដែងស្រីវ័យក្មេង ស៊ីន យូប៊ីន បានចាប់យកឱកាសជាតួអង្គឯកកាចឆ្នាសឆ្នើម ដើម្បីសម្ដែងជាមួយតួអង្គប្រុសលោក ក្រិច ណាខុន ដែលធ្លាប់ដើរជាតួអង្គឯកជាមួយគ្នាម្ដងដែរក្នុងរឿងមួយកាលពី៤ឆ្នាំមុន។ អ្នកទាំងពីរ នឹងប៉ះគ្នាជាលើកទី២ ក្នុងរឿងភាគរបស់ស្ថានីយទូរទស្សន៍ ភី អិន អិន ក្រោមចំណងជើងថា"ព្រហ្មលិខិតលំអៀង"។
កញ្ញា ស៊ីន យូប៊ីន និយាយថា រូបនាងត្រេកអរ និងអគុណដល់ភី អិន អិន ព្រមទាំងផលិតកម្មPR ដែលបានផ្ដល់ឱកាសឲ្យនាងបានភ្លក់ស្ទើរគ្រប់រសជាតិ នៃការសម្ដែង ព្រោះនាងមិនធ្លាប់បានដើរជាតួអង្គឯកកាចឡើយ ក្រៅតែពីដើរជាតួអង្គកម្សត់ ឬស្រគត់ស្រគំក្នុងចំណោមរឿងភាគសរុបជាង១០ ចាប់តាំងពីនាងប្រឡូកក្នុងសិល្បៈមក។
ស៊ីន យូប៊ីន៖"គ្រាន់តែលឺចំណងជើង ហើយដើរតួកាចទៀតហ្នឹងក៏ដឹងថាលំបាក ហើយខ្ញុំធ្វើជាកូនភ្លោះទៀត តែខ្ញុំពេញចិត្ដនឹងសម្ដែង ដើម្បីបំពេញឲ្យបានគ្រប់រសជាតិ។ នៅតែដើរតួឆ្កួតមួយទៀតទេ អស់ហើយ"។
អ្នកស្រី ព្រំ រដ្ឋា ដែលជាម្ចាស់ផលិតកម្ម PR និងជាអ្នកដឹកនាំសម្ដែងដោយផ្ទាល់ ឲ្យដឹងថា រឿង"ព្រហ្មលិខិតលំអៀង" គឺចង់បង្ហាញពីរសជាតិជីវិតទៅតាមកម្មផល និងបុណ្យវាសនារបស់មនុស្សម្នាក់ៗដែលជាសម្ពាយពីជាតិមុន។ ជាក់ស្ដែងតួអង្គស្រីដែលជាកូនភ្លោះ ថ្វីត្បិតតែកើតមកក្នុងតំណក់ឈាមតែមួយ ប៉ុន្តែបែរជាមានវាសនាខុសគ្នាទៅវិញ។ រឿងនេះ មាន៤០ភាគ ដែលត្រូវចំណាយពេលថតពី៤ខែ ទៅ៤ខែកន្លះ ដោយចាប់ផ្ដើមថតពីសប្ដាហ៍ក្រោយទៅ។
កាលពីព្រឹកថ្ងៃទី១២ ខែតុលា ឆ្នាំ២០២០ ស្ថានីយទូរទស្សន៍ ភី អិន អិន បានប្រារព្ធពិធីក្រុងពាលីថតរឿងភាគថ្មីមួយទៀតគឺរឿង"ព្រហ្មលិខិតលំអៀង"។ ទាំងតំណាងពីខាងទូរទស្សន៍ និងផលិតកម្ម បានបញ្ជាក់ថា រឿងនេះឆ្លុះបញ្ចាំងពីសង្គមពិត ហើយបង្កប់នូវសារអប់រំជាច្រើន ដែលរឿងភាគដ៏សម្រិតសម្រាំងមួយនេះ នឹងត្រូវចាក់បញ្ចាំងនៅពាក់កណ្ដាលឆ្នាំ២០២១ ខាងមុខ៕