ជីវិតមិនសូវបើកចំហ! តែបើដឹង បានភ្ញាក់ថា Emma Watson ប្ដូរសង្សារច្រើនមិនចាញ់ Taylor ទេ

2018-10-24 02:53:29
ជីវិតតារា

2018-10-24 02:53:29
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងនាមជាតារាសម្ដែងវ័យក្មេងដ៏ល្បីល្បាញមួយរូបក៏ពិតមែន ប៉ុន្តែ Emma Watson មិនសូវជាត្រូវបានក្រុមអ្នកកាសែតចាប់អារម្មណ៍លើរូបនាងប៉ុន្មាននោះទេ ខណៈនាងរស់នៅជីវិតបែបសាមញ្ញស្ងប់ស្ងាត់។

ទោះជាយ៉ាងណាក៏ដោយ ដោយសារនាងជាតារាស្រីដ៏ល្បីមួយរូបដែរនោះ រឿងរ៉ាវទំនាក់ទំនងស្នេហាជាមួយមិត្តប្រុស គឺនៅតែមិនអាចលាក់បាំងផុតពីកញ្ចក់កាមេរ៉ាអ្នកតាមប្រមាញ់រូប។ បើត្រឡប់ទៅជីវិតតារាសម្ដែងស្រីសញ្ជាតិអង់គ្លេសរូបនេះពីមុនវិញ អាចនិយាយបានថា នាងធ្លាប់មានមិត្តប្រុសជាច្រើន មិនចាញ់តារាចម្រៀង Taylor Swift ឡើយ។

១. Tom Ducker

ក្នុងឆ្នាំ ២០០៦ ក្នុងវ័យ ១៦ ឆ្នាំ តារាសម្ដែង Emma Watson បានបង្ហាញទំនាក់ទំនងស្នេហារបស់នាងជាសាធារណៈជាមួយកីឡាករលេងបាល់ឱប Tom Ducker។ ពួកគេទាក់ទងគ្នាបានរយៈពេល ១ ឆ្នាំ ក្រោយមក Emma បានសម្រេចចិត្តចែកផ្លូវការ ដោយសារតែចង់ផ្ដោតលើការសិក្សាវិញ។

២. Angus Willoughby

មិត្តប្រុសបន្ទាប់របស់នាង គឺជាសិស្សផ្នែកល្ខោនសញ្ជាតិអូស្ត្រាលីម្នាក់។ ពួកគេបានទាក់ទងគ្នាក្នុងឆ្នាំ ២០០៧ នៅពេលជួបគ្នានៅសាលា Royal Academy of Dramatic Art London។ ទោះជាយ៉ាងណាក៏ដោយ ទំនាក់ទំនងរបស់ពួកគេបានបញ្ចប់ទៅយ៉ាងណានោះ គ្មាននរណាបានដឹងឡើយ។

៣. Francis Boulle

Francis ត្រូវបានស្គាល់ថា ជាកូនអ្នកមានដ៏ល្បីល្បាញមួយរូបក្នុងប្រទេសអង់គ្លេស។ Emma បានចាប់ផ្ដើមទាក់ទងជាមួយ Francis នៅកម្មវិធីជប់លៀង Cartier ក្នុងរដូវក្ដៅនៅឆ្នាំ ២០០៨។

៤. Jay Barrymore

នៅចន្លោះឆ្នាំ ២០០៨ ទៅ ២០០៩ តារាសម្ដែង Emma Watson មានទំនាក់ទំនងស្នេហាសាជាថ្មី ជាមួយអ្នកជំនាញផ្នែកហិរញ្ញវត្ថុសញ្ជាតិអង់គ្លេស Jay Barrymore។ លោក Jay មានវ័យបងតារាសម្ដែង Emma រហូតដល់ទៅ ៧ ឆ្នាំ ប៉ុន្តែគម្លាតអាយុនេះ មិនមែនជាមូលហេតុដែលពួកគេសម្រេចចិត្តចែកផ្លូវគ្នាឡើយ។ ពួកគេបានចែកផ្លូវគ្នា ដោយសារតែពួកគេនៅតំបន់ឆ្ងាយពីគ្នាពេក។

៥. Rafael Cebrián

មិត្តប្រុសបន្ទាប់របស់នាង គឺជាតន្ត្រីករសញ្ជាតិអេស្ប៉ាញ Rafael Cebrián ដែលបានចូលរៀនសាលា Brown College ជាមួយនាង។ គូស្នេហ៍មួយគូនេះ បានជួបគ្នាក្នុងការប្រកួតកីឡា Hockey ក្នុងទីក្រុងញូវយ៉ក នៅខែវិច្ឆិកា ឆ្នាំ ២០០៩។ ពួកគេបានចែកផ្លូវគ្នា ក្រោយទាក់ទងគ្នាបានត្រឹម ៦ ខែ។

៦. George Craig

ក្នុងឆ្នាំ ២០១០ Emma Watson បានជួបតារាម៉ូដែល George Craig ខណៈពេលនាងកំពុងថតយុទ្ធនាការមួយ។ នៅខែមិថុនា ក្នុងឆ្នាំដដែល ពួកគេបានចូលរួមកម្មវិធីបុណ្យ Glastonbury Festival ជាមួយគ្នា។ ទាក់ទងគ្នា មិនបានប៉ុន្មានខែផង ពួកគេក៏សម្រេចចិត្តចែកផ្លូវគ្នា។

៧. Johnny Simmons

Emma និង Johnny បានចាប់ផ្ដើមទាក់ទងគ្នានៅរដូវក្ដៅក្នុងឆ្នាំ ២០១១។ ប៉ុន្មានខែក្រោយមក ពួកគេបានបែកបាក់គ្នា ដោយសារតែ Johnny មិនចង់ផ្លាស់ទីទៅរស់នៅប្រទេសអង់គ្លេស។

៨. Will Adamowicz

Emma និង Will បានជួបគ្នា ខណៈពួកគេរៀនក្នុងមហាវិទ្យាល័យ Oxford ជាមួយគ្នាក្នុងឆ្នាំ ២០១១។ បើទោះជាទំនាក់ទំនងរបស់ពួកគេ មិនដឹងចាប់ផ្ដើមតាំងពីពេលណាក៏ដោយ ប៉ុន្តែគូស្នេហ៍មួយគូនេះ ត្រូវគេប្រទះឃើញបានឱបថើបគ្នាក្នុងកម្មវិធី Coachella នៅខែមេសា ឆ្នាំ ២០១២។ ២ ឆ្នាំក្រោយ ពួកគេក៏បានសម្រេចចិត្តចែកផ្លូវគ្នា។

៩. Matthew Janney

Emma ត្រូវបានប្រទះឃើញទាក់ទងគ្នាជាមួយនិស្សិត Oxford មួយរូបទៀត ក្នុងខែមករា ឆ្នាំ ២០១៤ នៅពេលពួកគេកំពុងអង្គុយឱបគ្នា អំឡុងពេលធ្វើដំណើរកម្សាន្តនៅកោះ Caribbean។ ស្នេហារបស់ពួកគេត្រូវបានបញ្ចប់ ក្រោយទាក់ទងគ្នាបានត្រឹម ១០ ខែ។

១០. William “Mack” Knight

តារាសម្ដែង Emma Watson បានទាក់ទងគ្នាស្ងាត់ៗជាមួយសហគ្រិនបច្ចេកវិទ្យា Silicon Valley លោក William “Mack” Knight អស់រយៈពេលជិត ២ ឆ្នាំ។ ទំនាក់ទំនងរបស់ពួកគេបានចាប់ផ្ដើមឡើង អំឡុងឆ្នាំ ២០១៥។

១១. Chord Overstreet

ក្នុងខែកុម្ភៈ ឆ្នាំ ២០១៨ នេះ Emma ត្រូវបានប្រទះឃើញទាក់ទងគ្នាជាមួយតារាសម្ដែង Chord Overstreet។ ទោះជាយ៉ាងណាក៏ដោយ ក្នុងខែឧសភា ព័ត៌មានថាពួកគេបានចែកផ្លូវគ្នាក៏បានផ្ទុះឡើង។ មួយខែក្រោយ ពួកគេនៅតែប្រទះឃើញឈរថើបគ្នានៅតាមដងផ្លូវ ប៉ុន្តែទំនាក់ទំនងមួយនេះ នៅតែមិនអាចបន្តបានយូរដដែល។

១២. Brendan Wallace

បច្ចុប្បន្ននេះ តារាសម្ដែង Emma Watson កំពុងទាក់ទងគ្នាជាមួយនាយកប្រតិបត្តិដ៏ស្រស់សង្ហាមួយរូបឈ្មោះ Brendan Wallace។ គូស្នេហ៍មួយគូនេះ ត្រូវបានប្រទះឃើញថើបគ្នា កាលពីប៉ុន្មានសប្ដាហ៍កន្លងទៅនេះទេ៕