- សៅរ៍, 5 ឧសភា 2018 03:25
- ព័ត៌មាន
Changmin តារាចិត្តធម៌ឧបត្ថម្ភប្រាក់រាប់លាន ដល់ក្មេងៗក្នុងទិវាសិទ្ធិកុមារនៅកូរ៉េ
- សៅរ៍, 5 ឧសភា 2018 03:25
- ចំនួនមតិ 0 | ចំនួនចែករំលែក 0
Changmin តារាចិត្តធម៌ឧបត្ថម្ភប្រាក់រាប់លាន ដល់ក្មេងៗក្នុងទិវាសិទ្ធិកុមារនៅកូរ៉េ
ចន្លោះមិនឃើញ
ក្រៅពីជាតារាប្រុសមានរូបរាងស្រស់សង្ហាជាទីប្រាថ្នារបស់នារីៗជាច្រើនហើយ Changmin សមាជិកក្រុម TVXQ ក៏ជាបុគ្គលដែលតែងមានវត្តមានជួយសង្គម មិនចាញ់មិត្តរួមក្រុម Yunho ប៉ុន្មានទេ។
ជាក់ស្ដែងកាលពីថ្ងៃទី ០៤ ខែឧសភាម្សិលមិញ មានសេចក្ដីរាយការណ៍មកថា អ្នកកំលោះរូបនេះបានសម្រេចបរិច្ចាគទឹកប្រាក់ផ្ទាល់ខ្លួនចំនួន ៥៥លានវ៉ុន (ប្រហែល ៥១ ១៦០ដុល្លារ) ជូនទៅដល់មូលនិធិសប្បុរសធម៌ដើម្បីសុខុមាលភាពកុមារពិភពលោក មានឈ្មោះថា "Green Umbrella Child Fund”។
ជាក់ស្ដែង ក្នុងប្រទេសកូរ៉េខាងត្បូង នៅថ្ងៃទី ០៥ ខែឧសភា ជាថ្ងៃនៃទិវាសិទ្ធិកុមារ។ ដូចនេះមានន័យថា ការប្រគល់ទឹកប្រាក់ឧបត្ថម្ភរបស់ Changmin ធ្វើឡើងមុនថ្ងៃពិសេសនេះមួយថ្ងៃ។
មួយវិញទៀត គោលបំណងរបស់តារាប្រុសរូបនេះ គឺដើម្បីជួយទ្រទ្រង់កុមារដែលរងគ្រោះដោយសារជំងឺ និងគ្រោះថ្នាក់ផ្សេងៗ។ លោកបាននិយាយថា៖ "ទិវាសិទ្ធិកុមារជិតមកដល់ហើយ ខ្ញុំនឹកឃើញមុនគេ គឺក្មេងៗដែលកំពុងមានជំងឺជាប់ខ្លួន។ ខ្ញុំចង់ឲ្យកុមារទាំងនោះ ទទួលបានភាពសប្បាយរីករាយដូចក្មេងៗដទៃទៀតដែរ ក្នុងថ្ងៃពិសេសនេះ ព្រមទាំងសង្ឃឹមថាពួកគេអាចសម្រេចក្ដីសុបិនរបស់ខ្លួន និងធំឡើងប្រកបដោយសុភាពល្អ”។
សូមរម្លឹកផងដែរថា កាលពីពេលកន្លងទៅ Changmin ក៏ធ្លាប់បានបរិច្ចាគទឹកប្រាក់ចំនួន ៥០លានវ៉ុន (ប្រហែល ៤៦ ៥១០ដុល្លារ) ជាមួយមិត្តរួមក្រុម Yunho ជូនចំពោះជនរងគ្រោះពីការរញ្ជួយដីក្នុងទីក្រុង Pohang កាលពីខែវិច្ឆិកា ឆ្នាំ ២០១៧។ ក្នុងនោះគោលបំណងធំរបស់អ្នកទាំង ២ គឺកុមារក្នុងគ្រួសារខ្សត់ខ្សោយ ដែលដង្ហោយរកជំនួយនាពេលនោះ។
ក្រៅពីនោះ តារាប្រុសចិត្តធម៌នេះ ក៏នៅបន្តជួយជាទឹកប្រាក់ដល់ជនរងគ្រោះ កុមារដទៃទៀតជាហូរហែផ្សេងទៀតដែរ។ សរុបជារួមសកម្មភាពមនុស្សធម៌របស់លោក ភាគច្រើនផ្ដោតសំខាន់ចំពោះកុមារដែលខ្វះទីពឹង៕
