• 2021-07-22 01:50:05
  • ព័ត៌មាន

Song Hye Kyo ព្រមថតរឿងថ្មីបែបអាថ៌កំបាំង សហការជាមួយអ្នកដឹកនាំរឿង «ម្ចាស់ព្រះអាទិត្យ»

  • 2021-07-22 01:50:05
  • ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែង Song Hye Kyo ត្រូវ​បាន​ជ្រើស​ជា​តួឯកក្នុង​រឿង​ថ្មី​ដែល​ដឹកនាំដោយ​ អ្នកដឹកនាំរឿង​ «Sweet Home» និង «Goblin» Lee Eung Bok​។

យោងតាម​ការ​ចេញផ្សាយ​របស់ Newsen បាន​ឲ្យដឹង​ថា Song Hye Kyo នឹង​បង្ហាញ​មុខ​ក្នុង​ខ្សែភាពយន្ត​បែបអាថ៌កំបាំង និង​គ្រង​តំណែង​ជា​តួ​ឯក។

ប្រភពជិតស្និទ្ធ​បាន​បញ្ជាក់​ថា៖ «ចេញពី​ការ​យល់ឃើញ​របស់ខ្ញុំ Song Hye Kyo បាន​យល់ព្រម​បង្ហាញមុខ​ក្នុង​រឿង​ភាគ​ថ្មី​របស់ អ្នក​ដឹកនាំ Lee Eung Bok ហើយ។ ប្រភេទ​រឿង​មួយនេះ នឹង​បង្ហាញ​ខ្លួនជា​ប្រភេទរឿង Thriller អាថ៌កំបាំង។ តាម​រយៈរឿង​មួយនេះ​ដែរ អ្នក​នឹង​បាន​ឃើញ​ស្នាដៃ​ដឹកនាំអស្ចារ្យថ្មី​មួយទៀតរបស់ Lee Eung Bok ព្រម​ទាំងមន្តស្នេហ៍ការ​សម្ដែង​ពិសេស​របស់ Song Hye Kyo​។»។

គួរ​បញ្ជាក់​ផងដែរថា​ Lee Eung Bok ត្រូវ​បាន​គេ​ស្គាល់​ច្បាស់​តាម​រយៈការដឹកនាំ​សម្ដែង​រឿង​ល្បីៗមួយចំនួន​ដូចជា «Dream High»,  «Descendants of the Sun», «Goblin», និង «Mr. Sunshine» ជាដើម។

Lee Eung Bok

ចំណែក​ Song Hye Kyo វិញ ចាប់​ផ្ដើម​កាន់​តែ​រវល់​ខ្លាំង​ឡើង​ហើយ​តាម​រយៈការ​ងារសម្ដែង​ក្នុង​ឆ្នាំ ២០២១នេះ ហើយពេលនេះ​នាង​ក៏កំពុងថតរឿងមាន​ចំណងជើង​ថា​ «Now, We Are Breaking Up» ហើយទទួល​ថតរឿង​ថ្មី «Glory» ទៀត៕

ប្រភព៖ Koreaboo ប្រែ​សម្រួល៖ យី សុធារី

មតិយោបល់
អត្ថបទពេញនិយម