- ច័ន្ទ, 28 មករា 2019 04:34
- ព័ត៌មាន
កូនប្រុសរបស់ XXXTentacion បានសម្រាលដោយសុវត្ថិភាព ៧ខែ ក្រោយការស្លាប់របស់លោក
- ច័ន្ទ, 28 មករា 2019 04:34
- ចំនួនមតិ 0 | ចំនួនចែករំលែក 0
កូនប្រុសរបស់ XXXTentacion បានសម្រាលដោយសុវត្ថិភាព ៧ខែ ក្រោយការស្លាប់របស់លោក
មិត្តស្រីរបស់អតីតតារាចម្រៀងរ៉េប XXXTentacion នាង Jenesis Sanchez បានផ្ដល់កំណើតកូនប្រុសរបស់ពួកគេហើយ ក្រោយតារារូបនេះបានស្លាប់អស់រយៈពេល ៧ ខែមក។
បើតាមសម្ដីផ្ទាល់របស់ Sanchez និងម្ដាយរបស់ XXXTentacion បាននិយាយកាលពីថ្ងៃសៅរ៍កន្លងទៅនេះថា៖ "ពួកយើងមានក្ដីសប្បាយរីករាយ ក្នុងការជូនជាដំណឹងថា កូន និងម្ដាយគឺមានសុខភាពល្អទាំង ២ នាក់"។ ពួកគេក៏បានបន្ថែមដែរថា ពួកគេមានក្ដីរំភើបជាខ្លាំង ខណៈកូនប្រុសដែលមានឈ្មោះថា Gekyume Onfroy បានកើតមកឃើញពន្លឺថ្ងៃដោយសុវត្ថិភាពបែបនេះ។
ជាមួយគ្នានេះដែរ បើតាមក្រុមគ្រួសាររបស់តារារ៉េបដែលមានឈ្មោះពិតប្រាកដថា Jahseh Onfroy បានបញ្ជាក់ថា តារាចម្រៀងរូបនេះ ជាអ្នកជ្រើសរើសឈ្មោះសម្រាប់កូនលោកដោយផ្ទាល់ជាពិសេស ហើយឈ្មោះ Gekyume នេះដែរមានន័យថា "ស្ថានភាពខុសគ្នា" ដូច្នេះហើយ ខាងក្រុមគ្រួសារក៏បំពេញតាមបំណងចុងក្រោយរបស់លោកតែម្ដង។
គួររម្លឹកថា ដំណឹងថាមានផ្ទៃពោះរបស់មិត្តស្រី XXXTentacion ត្រូវបានទម្លាយកាលពីខែមិថុនាកន្លងទៅ ក្រោយតារាចម្រៀងរូបនេះ ត្រូវបានឃាតកបាញ់សម្លាប់ក្នុងរដ្ឋ Florida នៅត្រឹមវ័យ ២០ ឆ្នាំ៕
ប្រភព៖ BBC ប្រែសម្រួល៖ អន សុភក្ត្រា
