នៅថ្ងៃទី ៣១ ខែមករា ឆ្នាំ ២០២២ ផលិតកម្ម BIGHIT MUSIC បាន​សេចក្ដី​ប្រកាសជា​បន្ទាន់មួយលើ Weverse ដោយបញ្ជាក់ថា Jimin (BTS) បាន​ឆ្លងជំងឺកូវីដ១៩ ហើយ។

សេចក្ដី​ជូនដំណឹង​បានបញ្ជាក់ថា​ Jimin ចាប់ផ្ដើមមានអាការៈចុកពោះភ្លាមៗ ហើយឈឺបំពង់កបន្តិចបន្តួច នៅថ្ងៃទី៣០ ខែមករា ឆ្នាំ២០២២។

បន្ទាប់ពីកត់សម្គាល់រោគសញ្ញាហើយ Jimin ក៏បាន​ទៅពេទ្យ ដើម្បីពិនិត្យឲ្យបាន​ត្រឹមត្រូវ។ ក្រោយពីពិនិត្យសព្វគ្រប់ ស្រាប់តែចេញលទ្ធផល​ថា​ Jimin មាន​ជំងឺរលាកខ្នែងពោះវៀន ប៉ុន្តែស្រាលទេ ហើយតេស្តកូវីដ ក៏ស្រាប់តែចេញលទ្ធផល វិជ្ជមាន។

ពេលនេះ​ Jimin បាន​ទទួល​ការវះកាត់ដោយជោគជ័យ​ហើយ នៅ​ព្រឹក​ថ្ងៃទី៣១ ខែមករា ឆ្នាំ២០២២ និងកំពុង​បន្តសម្រាក​ព្យាបាល​ឲ្យបាន​ជាសះស្បើយ។ តាមការឲ្យដឹង​ពីផលិតកម្ម BIGHIT MUSIC បាន​បន្ថែម​ថា​ ស្ថានភាពរបស់ Jimin ពេល​នេះ​មាន​សភាពស្រាលទេ ដូច្នេះលោកនឹងជាក្នុងរយៈពេល​លឿន។

អស់រយៈពេលមួយខែហើយ ដែល​សមាជិក BTS ត្រឡប់ពីអាមេរិកវិញ បន្ទាប់ពីចំណាយពេលលើវិស្សមកាលរបស់ពួកគេ។ ពេលចូលប្រទេសកូរ៉េវិញ Suga, Jin និង RM បាន​ឆ្លងកូវីដជាបន្តបន្ទាប់ ប៉ុន្តែក៏បាន​ជាសះស្បើយអស់ហើយដែរ។ ពេល​នេះ ចូលដល់ Jimin ម្ដង ហើយអមជាមួយនឹង​ការ​បារម្ភ គ្រប់គ្នាដែល​ជាអ្នកគាំទ្រសង្ឃឹមថា លោកនឹង​ឆាប់ជាឡើងវិញ៕